EPQ: Endorphinator Performans Qiymətləndirməsi

Performans qiymətləndirmələri, rəy sessiyaları və dəyərləndirmələr bəzən yorucu və stresli ola bilər. Tənqid almaq qorxusu narahatlıq yarada bilər. Dürüst və müntəzəm rəy bildirmək hər kəsin inkişafı üçün vacibdir.

Əslində geri bildirim və fərdi görüşlərin vacibliyini artıq "Necə işləyirik" bölməsində vurğulamışıq. EPQ (Endorphinator Performans Qiymətləndirilməsi) bu görüşlərin daha rəsmi formasıdır. EPA hər rübdə menecer və işçi arasında keçirilən planlı rəy sessiyasıdır. Burada əsas məqsəd son bir neçə ay ərzində görülən işin dərin dəyərləndirilməsi, işinə uyğun gözləntilərin nəzərdən keçirilməsi və ümumi təşkilati standartlara uyğunluğun müzakirə edilməsidir.

EPQ prosesi sənə rəy almaq və bildirmək, uğurlarını və çətinliklərini müzakirə etmək, həmçinin fərdi hədəflərin şirkət məqsədləri ilə necə uzlaşdığını anlamaq imkanı verir. Bu dəyərləndirmə nəticələri illik performans qiymətləndirməsinə və əməkhaqqı artımı prosesinə də təsir edir.

EPQ qiymətləndirmə sistemi

EPQ çərçivəsində aşağıdakı qiymətləndirmə şkalasına əsasən performansın dəyərləndirəcək:

1-3 – Gözləntiləri qarşılaya bilmir.
4-6 – Qismən gözləntiləri qarşılayır.
7-8 – Gözləntilərə uyğundur.
9 – Gözləntilərdən yüksək performans göstərir.
10 – Fərqlənən nəticələr göstərir.

Hansı aspektləri əhatə edir?

Prinsiplər

Bizim agentliyimiz müəyyən dəyərlər və prinsiplər əsasında fəaliyyət göstərir. EPQ-nin bir hissəsi də bu prinsiplərə uyğunluğunuzu qiymətləndirməkdən ibarətdir.

Bacarıqlar

İşinə aid olan spesifik bacarıqlar üzrə rəy almaq və inkişaf sahələrini anlamaq da EPQ-nin əsas məqsədlərindəndir. Məsələn:

Yaradıcılıq sahəsində çalışanlar üçün ideyaların keyfiyyəti, davamlılığı və yaradıcı yanaşma qiymətləndirilir.
Müştəri münasibətləri və əməliyyat idarəçiliyi ilə məşğul olanlar təqdimat bacarıqları, daxili və xarici əlaqələrin qurulması, operativ planlama kimi meyarlara görə dəyərləndirilir.

Ümumi performans

Hər bir inkişaf irəliləyişdir, istər böyük, istərsə də kiçik olsun. Kiçik dəyişikliklərin belə zamanla əhəmiyyətli təsir göstərə biləcəyini xatırlamaq vacibdir. Bəzi bacarıqlar vəzifənlə birbaşa bağlı olmasa da, ümumi iş performansını müəyyənləşdirir. Məsələn:

Uzaqdan iş rejiminə uyğunlaşma.