Ən sevdiyimiz görüş keçirilməyən görüşlərdir. Ona görə də bir görüş təyin etməzdən əvvəl özünə sual ver: “Bu görüş əvəzinə sadəcə bir e-mail yaza bilərəm?” İkinci ən sevdiyimiz görüşlər isə ofisdə təsadüfi qarşılaşmalar zamanı yaranan, sürətli fikir mübadiləsi ilə nəticələnən görüşlərdir.

Hibrid iş modelimizə görə hər kəs həmişə ofisdə olmaya bilər. Buna görə də ideal bir görüş:

• 30-60 dəqiqədən çox çəkməməlidir.
• Görüşün əsas məqsədi öncədən müəyyən edilməlidir.
• İştirakçılar görüşün yenilənmə yoxsa əməkdaşlıq məqsədilə keçirildiyini öncədən bilməlidir.
• Görüşdə müzakirə edilən mövzuda yekun qərar verə biləcək şəxslər qatılmalıdır.
• Hamı iştirak etməli, diqqətli və aktiv olmalıdır.
• Hər kəsin fikri dinlənilməli və hörmətlə qarşılanmalıdır.
• Hər kəs görüşdən sonra nə edəcəyini və tapşırıqların icra müddətini bilməlidir.
• Görüşlər arasında kifayət qədər fasilə olmalıdır.

Görüşlərə və zənglərə necə qatılmalıyıq?

Uzaqdan işləmək iş və şəxsi həyat arasındakı sərhədləri yumşalda bilər. Rəsmi geyim qaydalarımız yoxdur, amma hər kəsin səliqəli görünməsini gözləyirik.

🔹 Daxili görüşlər – Rahat və öz üslubuna uyğun geyinə bilərsən.

🔹 Müştəri görüşləri – Daha səliqəli və tərtibli olmağa çalış. 🔹 Müştəri tədbirləri – Rəsmi dress-kod varsa və iştirak edirsənsə, ona uyğun geyin. Özünü narahat hiss edirsənsə, iştirak etməmək sənin seçimindir.

Effektiv və məhsuldar igörüşlər üçün hamımız bir-birimizin vaxtına hörmət edək! ⏳

Kamera açıqdır?