"Endorphin"i qurarkən komandamızın fikirləri və bu sahədəki keçmiş təcrübələrimizin ahəngi ilə iş prinsiplərimizi formalaşdırdıq. Reklamçılığı sevməyimiz və onu birlikdə daha da inkişaf etdirə biləcəyimizə olan inancımız isə ortaq dəyərimiz oldu. Bu prinsiplər növbəti illərdə uğurlarımızın təməlini formalaşdırdı. İçində olmaqdan qürur duyduğumuz bu yeri mükəmməl etmək üçün hər kəsin bu prinsiplərə riayət etməsi vacibdir. "Endorphin" böyüdükcə prinsiplər də zamanla genişlənir, dəyişir, bəzən də yenilənir. Bu dəyişikliklər isə mütləq daxili səsvermə ilə həyata keçirilir.

• İşini mükəmməl gör, rahat yat.
• Yaradıcılığın dünyanın axarını dəyişə bilər.
• Burada hər zaman ən yaxşı fikirlər qalibdir.
• Ədalətsiz tənqidlərə qarşı təhlükəsiz zonayıq.
• Birlikdə daha güclüyük.
• Bir-birimizi izləməklə vaxt itirmirik.
• Optimistliyə meyl edirik - kinizm yaradıcı düşüncənin qatilidir.
• Mərhəmət yaradıcılığı artırır.
• Nəticə görüntüdən önəmlidir.
• Bir-birimizin ən böyük dəstəyiyik.
• Fikir ayrılığına hörmətlə yanaş, hər kəsin söz haqqı var.
• İşinin ağası ol.
• Hər kəs yaradıcı prosesə qatılmalıdır.
• Liderlik imtiyaz və məsuliyyətdir, titul deyil.
• Təvazökar ol, hətta uğur qazananda da.
• İntizamlı ol, hətta xaos zamanı da.
• Şübhəyə düşdükdə ədalət və bərabərlik prinsipini əsas götür.