<aside> ❗ Qeyd: Bu bölmə əsasən “Endorphin”dəki işə qəbul menecerlərinin müəyyən daxili proseslərlə bağlı əlavə məlumat əldə etməsi üçün nəzərdə tutulub.

</aside>

Əgər bunu “Endorphin”i potensial iş yeri kimi nəzərdən keçirən biri kimi oxuyursansa, sənə təşəkkür edirik! İşə qəbul prosesləri hər kəsi müəyyən qədər həyəcanlandırır. Ona görə də bu təcrübənin sənin üçün mümkün qədər rahat və aydın keçməsi üçün çalışırıq. Bu proses tam sabit deyil: biz onu daim təkmilləşdiririk və hər mərhələni namizədlər üçün cüzi fərqləndirərək uyğunlaşdırırıq. Aşağıdakı bələdçi isə başlanğıc üçün ümumi istiqamət verir.

Açıq vakansiyalarımıza bax

Bütün vakansiyalarımızı rəsmi veb-saytımızda, eləcə də “Facebook”, “Twitter”, “LinkedIn” və “Instagram” hesablarımızda paylaşırıq. Bu platformalarda uyğun elan tapa bilməsən, [email protected] ünvanına e-mail göndərə bilərsən.

Necə müraciət edə bilərsən

Seçilməyin ən yaxşı yolu qısa və konkret bir e-mail, 2 dəqiqəlik video təqdimat və səni ən yaxşı şəkildə göstərən digər materialları göndərməkdir. Bu, CV, “Behance” portfolion, hətta “Instagram” profilin də ola bilər. Yaradıcı yanaşmaları görməyi sevirik.

Xüsusilə video ilə edilən müraciətləri yüksək qiymətləndiririk. Videoda danışa biləcəyin bir neçə mövzu:

• “Endorphin”dən və rolundan gözləntilərin nədir?
• Səni formalaşdıran bəzi həyat təcrübələrini paylaş. Səni CV-dən kənarda tanımaq istəyərik.
• Nəyə baxırsan, nə dinləyirsən, nə oxuyursan? Yaxşı tövsiyələr bizi bir az da yaxınlaşdırır.
• Zövqlə işlədiyin bir komandanın parçası olduğun anı danış. O komandanı yaxşı edən nə idi?
• Uğursuzluqlarını və onlardan nə öyrəndiyini bölüş.
• Əvvəlki işlərimizi tənqid et. Sən nəyi fərqli edərdin?
• “Endorphin”, komandamız və ya işlərimiz haqqında oxuduğun bir şeyi danış və niyə maraqlı gəldiyini izah et.
• Reklam və kreativ industriyaya sevgin barədə danış. Hansı reklamı dəfələrlə izləyə bilərsən?

Müsahibənin planlaşdırılması

Bütün e-maillərə cavab verməyə çalışırıq. Əgər fərdi müsahibə üçün seçilsən, rəhbərlik komandamızdan bir nümayəndə səninlə əlaqə saxlayacaq və sənə uyğun vaxtda görüş təyin edəcək. Qısa layihə və ya tapşırıq üçün sənə əlavə vaxt lazım ola biləcəyini nəzərə alaraq, müraciət prosesini adətən iki həftə ərzində tamamlamış olmağı hədəfləyirik.

İşə qəbul prosesi necə görünür?

Əksər vəzifələr üçün proses aşağıdakı mərhələlərdən ibarətdir: