“Endorphin”də iş yoldaşı ilə vidalaşmaq tamamilə təbii və normal bir hadisədir. Bəzən bəzi komanda üzvlərinin yeni bir istiqamətə yönəlməsi, komandanın ümumi inkişafı üçün vacib addımdır.

Əksər təşkilatlarda ən çox rast gəlinən hal, komanda rəhbərinin hər hansı bir səbəbdən bir işçinin şirkətə artıq uyğun olmadığını düşünməsidir. Bu cür vəziyyətlərdə təkbaşına qərar vermək məcburiyyətində deyilsən. Dəstək və məsləhət almaq üçün HR komandasına müraciət etməlisən. Onlar prosesi və lazımi sənədləşməni idarə edəcək, həmçinin mürəkkəb məsələlərdə sənə kömək edəcəklər. Bu qərara gəlmədən aylar öncə vacib işlər görülməlidir və burada əsas rol komanda rəhbərlərinə və menecerlərə düşür. Hər gün komanda yoldaşlarınla işləyir, onların fəaliyyətini görür və müxtəlif görüşlərdə, layihələrdə, geridönüş sessiyalarında iştirak edirsən və bəzən çətin, lakin zəruri söhbətlər aparmaq lazım gələ bilir.

Proses necə aparılmalıdır

1. Problemləri təhlil edin.

Komanda üzvünlə bağlı davamlı olaraq problemlər müşahidə edirsənsə, bu şəxsin “Endorphin”dəki dövrünün sona yaxınlaşdığını düşünmək məntiqli ola bilər.

2. Komanda rəhbərin ilə müzakirə et.

Əgər belə düşünməyə başlamısansa, bu məsələyə fərqli bir perspektivdən baxmaq üçün komanda rəhbərinlə söhbət elə. Ola bilər ki, həmin işçi ilə bağlı nəzəridən qaçan məqamlar var.

3. Birlikdə analiz edin.

Problemi birlikdə araşdırın və həmin şəxsə açıq şəkildə bunu bildirin. Çalış ki, məsələnin kökünü aydınlaşdırmaq üçün ortaq bir qərara gəlin. Aşağıdakı məqamları nəzərə ala bilərsən, lakin unutma ki, real hadisə həmişə burda yazılandan daha mürəkkəb olacaq.

• Aşağı göstərici; EPQ (Endorphinator Performans Qiymətləndirməsi) sistemimizdən istifadə edərək inkişaf etməli olduğu sahələri müəyyənləşdir, fəaliyyəti ilə bağlı yön ver və konkret inkişaf məqsədlərini tapmaqda kömək et.
• İnkişafın və öyrənmənin dayanması; Bu, dərhal problem yaratmaya bilər, lakin bir işçinin öz rolunda inkişaf etməməsi narahatverici ola bilər. “Endorphin”də işləməyin əsas üstünlüklərindən biri məhz inkişaf və öyrənmə imkanlarıdır. Bir il ərzində yerində saymaq ciddi bir xəbərdarlıq siqnalıdır.
• Vəzifənin uyğunsuzluğu; Zamanla rollar və onların tələbləri dəyişə bilər. Bu dəyişiklikləri müzakirə et. Əgər vəzifə artıq işçinin bacarıqlarına uyğun deyilsə və ya işçi inkişaf edib, lakin rol eyni qalıbsa, düzgün şəkildə bunu dəyərləndir.
• Fərqli istiqamətlərə yönəlmə istəyi; “Endorphin” hələ kiçik bir şirkətdir və hər kəs üçün ideal karyera yolu təqdim edə bilməyə bilər. İşçinin karyera hədəfləri ilə buradakı imkanların uyğun olub-olmadığını açıq şəkildə müzakirə et. Əgər uyğunluq yoxdursa, bu barədə real və açıq fikrini bildir.
• Şirkətin istiqamətinə inamsızlıq; Bir işçi artıq şirkətin və ya komandanın məqsədlərinə inanmadığını hiss edirsə, bu barədə danışmaq vacibdir.
• Zamanın dolması; Bəzən sadəcə olaraq ayrılmaq vaxtı gələ bilər. İnsanlar inkişaf edir, “Endorphin” də dəyişir. Münasibətlər pozulmadan və vəziyyət neqativ hala gəlmədən əvvəl dəyişikliyə getmək faydalı ola bilər.

4. İnkişaf planı hazırla.

Vəziyyəti yaxşılaşdırmaq üçün birlikdə inkişaf planı hazırla və bu istiqamətdə addımlar at. Bütün proses boyunca qarşılıqlı olaraq rəy verməyə davam et.

5. Ayrılmaq qərarı.

Vəziyyət yaxşılaşmırsa, əməkdaşlıq münasibətlərini bitirmək vaxtı gələ bilər.